 |
|
Pic for Representation purpose
|
খোলা খিৰিকীখনেৰে
ৰূপোৱালী জোনাকবোৰ
থোপে থোপে সোমাইছে;
শালি ধানৰ পথাৰ খনত
জোনাকী নৃত্য কৰিছে।
দূৰৈত সেয়া কিহৰ নিনাদ?
বিচনাত বহুত বাৰ বাগৰ সলালো।
নিদ্ৰা ৰাণীয়ে আজি মোৰ ওপৰত
ঠেঁহ পাতিছে।
সাগৰ,
হাতিপতিৰ সাগৰ;
জোনটি যেন নাৱৰীয়া।
সেয়া দেখোন এটি উল্কা তৰা;
"সোনকালে টোপনি আহিলেই হয়
কাহিলী পুৱাতে বাছ ধৰিবলৈ আছে।"
কোৱা শুনিছোঁ, উল্কা তৰাই বোলে
মনোবাঞ্ছা পূৰণ কৰে।
No comments:
Post a Comment