"নিসংগতাৰ কোৰ্হাল"

- Shahina Ahmed.

Pic for Representation purpose

নিসংগ দীঘলীয়া নিঃশ্বাসবোৰ

সৰি পৰি

অাৰু শূণ্য কৰি দিছে হৃদয়খন ।

প্ৰাপ্তিৰ প্ৰত্যাশাতে 

হেৰুৱাৰ বোজা গধূৰ হৈ গৈছে ক্ৰমশঃ....

অাৰু মই

কক্ বকাই অাছো

শূণ্যতাৰ মহাসাগৰত ।

নিৰ্জনতা যদি হয় প্ৰিয় সংগ

অাৰু নিৰৱতা হৈ পৰে ওঁঠৰ ভাষা,

অালোড়িত হব পাৰে জানো

 পুনৰ সপোনবোৰ ?

জীৱন যেতিয়া হৈ পৰে তৈলহীন চাকিৰ

এক নিষ্প্ৰভ শলিতা !

নিসংগতাক সাৱটি লৈ 

ঘূৰি থাকো প্ৰশ্নৰ চাকনৈয়াত--

অপ্ৰাপ্তিয়ে দিয়েনে

    শূণ্যতাৰ ঠিকনা !!

নে শূণ্যতাতেই সৃষ্টি হয়

    অপ্ৰাপ্তিৰ বেদনা ??