এমুঠি জোনাক

- Kaveri Gangotri

Pic for Representation purpose

জীৱন অমানিশাৰ সিক্ত গধূলি

হেৰাই গৈছে দুপৰৰ

 ৰ'দালি !

প্ৰত্যাঽবানৰ আঘাতত স্তব্ধ

 সপোনৰ  সমীৰ   জাকি ,

বিচাৰিছো মাথো নিয়ঁৰৰ 

সিক্ত   দলিচাখনি  ,

য'ত আছে আশাৰ

আলসুৱা নিজৰাটি।

  যান্ৰিকতাত শুষ্ক আজি জীপাল মনটি ,

   আঽবান মাথো অভিমানী মনৰ এটুপি চকুপানী।

আশাৰ ঢৌত হেৰাই গ'ল

 জীৱনৰ শ্যামলী বৰণ,,

হেঁপাহৰ ছাঁয়াত লুকাই আজি

মোৰ প্ৰতি পল -অনুপল ।

উপেক্ষাৰ অভিমান আজি সপোন  বিহগীৰ;

মন -দাপোনত দেখো  

 তাৰেই প্ৰতিচ্ছবি !

মিঠা শেৱালিৰ সুবাসৰ মাজত 

 বিচাৰো নিজক ;

সেউজী ধৰণীৰ বোকোচাই 

দিয়ে শান্তি প্ৰাণক;

সিক্ত দুচকুৰে চাই পূৰ্ণিমাৰ 

জোনটি ,

দুহাতত বিচাৰো মাথো 

ৰূপালী জোনাক এমুঠি!!!